البلد : مصر عدد المساهمات : 97 نقاط : 545 بطولاة العضو :
موضوع: هل جوزيه هو الحل؟؟؟؟؟؟؟؟ الثلاثاء 21 ديسمبر - 7:28
البعض يرفض عوده مانويل جوزيه شكلا وموضوعا بحجه ان الرجل ليس لديه ما يضيفه للأهلى وان الراجل مش هيعمل من الفسيخ شربات وكمان الراجل افلس فنيا مع انى مش فاهم يعنى أيه افلس فنيا دى يعنى نسى مثلا التدريب ولا نسى 4-4-2 بتتلعب ازاى وفى ناس بتقول ان مش هيعرف يعمل حاجه ماهو درب انجولا ومعملش حاجه ودلوقتى مع الاتحاد السعودى وبيتعادل ومش فالح ولا شافع وانه مدرب تعبان بصرحه مش عارف ازاى مدرب تعبان نفتكر بس تاريخ الراجل مع الأهلى ... الراجل دا كسب بطوله افريقيا بفريق لو قلتلى انه ممكن ياخد الخامس فى الدورى مش هصدق ولعب ماتشات جامده جدا ومشى ورجع جه تانى عمل نفس الحكايه وعمل فريق كويس محدش قدر يقف فى وشه لا فى مصر ولا بره مصر عشان بس الناس اللى بتقول ان الأهلى كان كويس لأن الفرق التانيه كان مستواها وحش مانويل جوزيه قادر وقادر جدا اه يعمل نفس اللى عمله قبل كدا مرتين والناس كله بتعترف ان الراجل ذكى جدا دا كلام حتى اللى كارهينه كره العمى والذكاء صفه ممتازه مش وجوده فى مدربين كتير الأهلى فيه لعيبه كبيره مفيش مشاكل بس الأهلى فيه لعيبه صغيره كتير والرجل دا هيقدر يعمل التوليفه اللى محدش عرف يعملها دفعه معنويه كبيره جدا للعيبه وعلى راسهم ابو تريكه وبركات اللى يعرفوا قيمه الراجل كويس بصراحه انا مع عوده جوزيه تانى للفريق لأسباب كتيره جدا يعرف الكوره المصريه جدا ويعرف يتعامل معاها عار ف لعيبه الأهلى كلهم وعارف لعيبه الفرق التانيه كمان يعنى يعرف نقاط القوه والضعف فى فريقه وفى الفرق التانيه لو الراجل دا جه اكيد اللعيبه اللى هو هيطلبهم الاداره هتجيبهم وهو هيبقى عارف هو عاوزمين بالظبط مع عودته اعتقد فلافيو هيرجع تانى او مهاجم افريقى متميز انا كنت عاوز مدرب جديد بفكر جديد او طريقه لعب جديده بس اعتقد ان جوزيه هوالانسب على الأقل فى المرحلة دى مش هياخد وقت وعارف اللعيبه كلهم اللعيبه بتحبه لأنها عاشرته وتعرف هو اد ايه بيحب الأهلى بيفهم الناس بقى اللى عامله قلبهاعلى الأهلى قاعدين يقطعوا فيه حتى من قبل ما يبقى فيه اى أخبار مؤكده مسمعناش يعنى عن حد يطالب ان اليكس فيرجسون يسيب مانشستر بحجه ان فكره خلص يا عينى وان الراجل كبر وخرف وبقاله 50 سنه بيدرب النادى ياريت يرجع تانى هيعرف يعمل فرقه كويسه حتى لو مش السنادى بس اكيد انه الجايه ان شاء الله الأهلى يرجع تانى زى ماكان والفرصه السنادى حتى موجوده وموجوده بشكل كبير